8 pela ol nurse husait i slip long senior quarters bilong Modilon General Hausik bilong Madang Province long Papua New Guine i slip kirap wantem pret bikos haus slip bilong ol ino moa safe.
Dispela ol building i bin haus slip bilong ol European nurses long colonial times.
Sr Helen Sengi husait i wok olsem wanpela midwife itok, ples slip bilong ol i gat ol bikpela ol hul long wall bilong ol room, na sampla taim ol i save putim ol samting olsem laundry basket long pasim taim ol i slip long nait.
Em i tok moa olsem ol rum na kitchen samting tu i bagarap tru, na planti taim ol birua man i save laik traim go insait long haus.
Narapela nurse tu husait i slip long dispela ol rundown nursing quarters em Sr Anna Winyama, husat itok planti taim ol i putim ripot igo long Madang Provinicial Health Authority long stretim halivim, tasol ol ino save harim.
MPHA Director Curative Health and Service, Dr Juith Gawi, i tok olsem em i gat wok plans i stap na em i prioritism wok bilong stretim ples slip kirap bilong ol nurses.